2020 жылы 28 мамырда ҚарМТУ жанындағы Конфуций институтында «Қытай тілінің көпірі» қытай тілінен 19-шы Дүниежүзілік студенттер байқауының іріктеу кезеңі өтті. Байқаудың тақырыбы – «Бір әлем, бір отбасы». Біздің университет қабырғасында іс-шара жыл сайын өткізіледі, бірақ бірінші рет онлайн режимінде өткізілді.
Жыл сайынғы «Қытай тілінің көпірі» халықаралық байқауын қытай тілін шетелде тарату жөніндегі мемлекеттік канцлерия ұйымдастырады (Ханбань) және қытай тілі мен мәдениетін бүкіл әлемге таратуға бағытталған. Бұл біздің елде 10 жылдан астам уақыт өткізіліп келеді.
Байқауға қатысушылар қытай тілін білімдерін 3 аталым бойынша көрсетті: орындау, шығармашылық орындау, онлайн тестілеу.
Байқау қорытындысы бойынша қытай тілі мен мәдениетінің үздік мамандары анықталды. Университет студенттері арасында:
1 орын – Камды Турдыбекова;
II орын – Диана Рахымбекова;
III орын – Камила Серікбаева.
Мектеп оқушылары арасында:
I орынды Александр Кузнецов жеңіп алды;
Байқау шарты бойынша жеңімпаздар «Қытай тілі көпірі» Республикалық байқауына онлайн режимінде қатысады.
